Tras un nacemento por cesárea, a lactancia materna ten vantaxes adicionais:- Para a nai: o útero recupera antes o seu tamaño normal e favorécese a perda de peso.
- Para o bebé: a protección frente ás infeccións é especialmente importante se houbo rotura de bolsa ou o bebé fica ingresado no hospital.
Non obstante, estas nais adoitan atopar obstáculos externos á instauración do aleitamento, así que velaquí algunhas recomendacións:
- Evitar a separación nai-bebé trala cesárea ou minimizala. Non existen impedimentos a iniciar a lactancia xa no quirófano.
- Reforzar a autoestima materna mediante mensaxes positivas, celebrando cada pequeno logro.
- Elixir unha postura cómoda para aleitar, p.e. tumbada ou rugby.
Se o teu bebé naceu por cesárea e vos custa comezar a lactancia, chámanos ou ven a unha das nosas reunións e axudámoste!
(Nota: esta entrada parte dun estupendo artigo da Dra. Ibone Olza que podedes ler completo aquí)
No hay comentarios:
Publicar un comentario