domingo, 15 de abril de 2018

Obradoiro práctico de porteo

O venres 20 de abril teremos un novo obradoiro práctico de porteo en Lugo impartido por Elena Belgrano, asesora de porteo respectuoso. Será ás 17 horas, así que non teremos reunión de nais en Lugo, pero seguimos á vosa disposición no correo electrónico e nos teléfonos das asesoras.

As prazas son limitadas, se non foran suficientes, tentaremos organizar outro próximamente respectando a orde de inscrición.

Máis información e inscricións en bicodeleite@yahoo.es.

lunes, 9 de octubre de 2017

Cambio temporal nos horarios das reunións de Lugo

Por motivos persoais das asesoras que atenden as reunións de nais das mañás, de forma temporal as mesmas comezarán a partires das 11.30 horas en lugar de ás 11 horas.

O horario das reunións das tardes mantense de 17 horas a 19 horas.

Graciñas.

miércoles, 22 de marzo de 2017

Cambio de horario na reunión do venres

Por razóns de dispoñibilidade das nosas asesoras, a reunión de nais de Lugo deste venres 24 de febreiro terá lugar pola tarde, de 17 a 19 horas no lugar de sempre.

Agardámosvos!!!

domingo, 12 de febrero de 2017

Asemblea Xeral 2017

Onte tivemos a nosa asemblea anual na que falamos de diversos temas e renovamos a xunta directiva. Queremos darlle as gracias a Gloria que sae, e dámoslle a benvida como Vicepresidenta a Montse. Gracias a todas as que asististedes.





domingo, 15 de enero de 2017

Comezamos o ano con boas novas

"Unha Consultora de Lactación Certificada (IBCLC, International Board Certified Lactation Consultant polas súas siglas en inglés) é unha profesional da saúde especializada no manexo clínico da lactación materna. O IBLCE (International Board of Lactation Consultant Examiners) é o organismo internacional independente encargado de certificar a todas as IBCLCs do mundo.

As Consultoras Certificados en Lactación Materna traballan dentro duns estándares e de acordo a un código ético establecido polo IBLCE e aceptado polas propias Consultoras.

Para obter a certificación, é necesario acreditar previamente unha serie de horas de prácticas, coñecementos de anatomía e fisioloxía da Lactación e o crecemento infantil, e formación específica en Lactación Materna. Unha vez cubertos estes requisitos previos, é necesaria a superación dun exámen teórico, de dificultade universitaria, e a reacreditación cada cinco anos, como medio para garantir a actualización de coñecementos das Consultoras.

Hai máis de 27.450 IBCLCs traballando en 96 países de todo o mundo".


En Bico de leite xa contamos desde hai anos cunha asesora que é IBCLC, Patricia López Izquierdo, pero desde finais do ano pasado, temos unha nova asesora que é IBCLC, trátase de Esther Martínez Bécares, membro fundadora do noso grupo, presidenta do mesmo nos seus comezos, e membro da Xunta Directiva en varias ocasións.

Parabéns, Esther, estamos moi moi moi orgullosas de tí!!!

Aquí podedes vela asesorando a unha nai no Arde Lucus :-)





miércoles, 23 de noviembre de 2016

Ma...ma...maxia!

O sábado pasamos unha fantástica tarde en Foz con Zampacontoz e Ma...Ma...Maxia. Deixámosvos unhas fotiños.