lunes, 3 de enero de 2011

Novidades

Malia estarmos en festas, en Bico de leite non paramos! Velaquí todo no que participamos ultimamente:

- O 14 de decembro asistimos, convidadas pola Deputación de Lugo, á presentación de "Caracois", unha colección de contos e curtas dirixida aos máis cativos. E como proba da nosa presenza, aquí tendes unha fotiño;)

- O 17 de decembro tivemos o obradoiro de portabebés. Dende aquí gostariamos de agradecer á Bea todo o que aprendimos nel!

- Lembrades o concurso de fotografía sobre lactancia materna?
Pois ben, dunha banda, Fedegalma vén de editar uns fermosos calendarios cunha selección dos traballos presentados. Vide a unha reunión de Bico e levade un de balde!
Doutra banda, e froito da colaboración entre Fedegalma e a editorial Galaxia, publicouse, "Pel con pel", un libro con textos de dez poetas galegos adornados con fotos do devandito concurso -aínda podedes pedírllelo aos Reis;)

pel_con_pel1

- Comunicámosvos tamén que o libro de consultas de Bico está a piques de publicarse e estamos ben contentas co resultado!

- Por último, anunciámosvos que na sección "Difúndeo" colgamos un novo documento: a lista de materiais para préstamo que temos na asociación. Se atopades algo interesante, achegádevos a unha das nosas xuntanzas! Reanudarémolas o vindeiro día 7 de xaneiro (de 11 a 13 horas, no Centro Lug II).

Por certo, será a primeira reunión do novo ano, así que aproveitamos para desexarvos un MOI BO 2011!!!

1 comentario:

  1. Somos licenciados e Empresa Certificada ONLINE.
     
    Debe dun préstamo urxente? Precisa para iniciar unha pequena ou grande empresa? Debe dun préstamo persoal? Debe investir no seu país? Debe dun préstamo bancario? Ten que mercar unha casa? Ten que mercar un coche ou calquera material? Debe de calquera tipo de cantidade de préstamo? Se si en contacto connosco e-mail bote suntrustfinancialhome@gmail.com

    ResponderEliminar