jueves, 29 de enero de 2009

Catuxa



Son Catuxa, nai de Icía de catro anos e de Aldán de un ano. Aleitei a Icía durante 3 fermosísimos anos e agora ao Aldán. De profesión mestra de educación infantil.

A lactancia sempre estivo presente ao longo da miña vida, para min sempre foi o natural, o habitual, xa que fun a maior das meniñas do meu entorno familiar e social e todos os nenos e nenas que ían nacendo eran aleitados polas súas nais sen plantexarse moito outra opción a pesares de ser a época do “bibe-boom”.
Penso que esta circunstancia, ser a maior das crianzas do entorno, é a que vai forxando a miña pasión polo mundo dos nenos/as, a miña vocación de nai e mestra xa que segundo din sempre fun moi predisposta a axudar nos coidados deles, a aprender como cambiar os cueiros, a xogar e entreter aos máis pequenos do grupo....de feito na adolescencia exercín de “canguro” dos fillos e fillas dos amigos dos meus pais, aos que por suposto tamén aleitaban. Velaí a influencia do contorno social.
E xa máis preto de min, a miña nai aleitounos, a min ao longo de 6 meses e máis de un ano ás miñas irmás máis pequenas. ...e disto fai xa 31 anos.

Cheguei a Bico de leite un pouco por casualidade, xa que a miña lactancia foi doada e sen dificultades, fedellando pola internete en busca de información ao redor da crianza e da lactación, e descobrín os grupos de apoio....e pensei que eu tamén quería formar parte desta rede de axuda ás nais e á lactancia en particular, e deste proxecto común de acción en favor da normalización e recuperación da cultura do aleitamento.

2 comentarios:

  1. Enhorabuena por esta iniciativa y darnos una oportunidad más para encontrar informacion y todo lo necesario para nosotras y nuestros enanos.Pero ante todo darle las gracias a Catuxa por todo lo que nos ayuda a mi y a Valle, y nos sigue ayudando.Gracias por tus consejos y por todo lo demás, ojala hubiera más gente como tu, nosotros seguimos y seguiremos con nuestra lactancia, que ya pasa del año hasta que Valle se aburra y todo creo que gracias a ti. un abrazo

    ResponderEliminar
  2. A lactancia é éxito voso. Noraboa por gozalo tanto e seguir así. Grazas polas túas palabras e xa sabedes que estamos aquí cando o precisedes. Biquiños

    ResponderEliminar