Próxima charla venres 26 de febreiro

Mañá no noso horario habitual de tarde teremos una nova charla. Falaremos de Lactancia materna e anticoncepción, lactancia materna e embarazo, e lactancia materna en tándem.

O método MELA, qué anticonceptivos se poden usar durante a lactancia materna, qué sucede cando estamos aleitando e hai un novo embarazo, se se pode continuar coa lactancia (xa vos adiantamos que si), e qué é e como funciona a lactancia en tándem e o aleitamento de dous bebés de diferentes idades son algúns dos temas dos que falaremos.

Agardámosvos ás 17 horas no Centro de Saúde da Praza do Ferrol, terceiro andar.

A Pedagoxía do Abrazo con M. Nieves López

 Medrando en Lugo e Bico de Leite, propóñenvos un novo proxecto... un proxecto para nais/pais e profesionais implicados na educación dos nenos e nenas.

 Será un proxecto de varias sesións, todas elas enlazadas que formarán parte da nosa ESCOLA PARA NAIS E PAIS. Desta volta leva por título A PEDAGOXÍA DO ABRAZO e será impartido íntegramente por M. Nieves López, pedagoga e psicomotricista, formada en Pedagoxía Waldorf e na Pedagoxía do Abrazo de Vinculación según Jirina Prekop. Actualmente Nieves é profesora no CIFP Politécnico de Lugo no módulo de Educación Infantil.

 O obxectivo é crear un espazo para a reflexión sobre as posibilidades que se abren cando miramos a vinculación e o seu desenvolvemento, para comprender cada etapa evolutiva dos nosos nenos/as.
No primeiro obradoiro daremos resposta as preguntas: Apréndese o rol de nai e pai? ou nácese con ese rol incorporado?

 Este proxecto daranos a posibilidade de traballar a Pedagoxía do Abrazo, de facer un momento de paréntese para mirar o proceso vivido e, desde a lixereza da toma de conciencia, permitirnos e posibilitarnos xerar toma de decisións enriquecedoras para acompañar aos nosos nenos e nenas na súa construcción vincular.

 O primeiro taller levarase a cabo o Domingo 31 de xaneiro de 10:30 as 13:30 na Casa das Asociacións de Frigsa.

 O prezo de cada taller é de 10 euros por familia para socios de Bico e de MEL e de 15 euros para familias non socias.

 A reserva levarase a cabo a través das contas de correo medrandoenlugo@gmail.com e bicodeleite@yahoo.es

 As prazas son moi limitadas... ven a vivir esta experiencia da man dos mellores!!

Reunión en Burela

Feliz ano!!!!!

Deixámosvos o aviso que nos comunica a nosa asesora de A Mariña, Montse: este venres haberá reunión en Burela.

18.909

Aínda non tes a nosa lotaría? Podes adquirila nas nosas reunións ou nos establecementos colaboradores, aínda estás a tempo.

Florería As Camelias, na Av. de A Coruña 165, baixo.

A Despensa do Avó Francisco na rúa Mallorca 2, baixo.

Nana de luna, na rúa García Abad 28, baixo.

El Faro de los tres mundos, na rúa San Marcos 9 baixo.

Farmacia Rego Lodos, na Av. das Américas 59, baixo.

Gero Sonajero, na rúa Portugal 53, baixo.

Animádevos, este ano toca!!!

Xa está aquí a lotaría de Nadal

Xa temos á vosa disposicións a Lotaría de Nadal de Bico de leite. Podedes adquirir as vosas participacións nas reunións de nais, e nos nosos establecementos colaboradores:

Florería As Camelias, na Av. de A Coruña 165, baixo.
A Despensa do Avó Francisco na rúa Mallorca 2, baixo.
Nana de luna, na rúa García Abad 28, baixo.
El Faro de los tres mundos, na rúa San Marcos 9 baixo.
Farmacia Rego Lodos, na Av. das Américas 59, baixo.
Gero Sonajero, na rúa Portugal 53, baixo.

Xa sabes, xoga con nós e colabora coa nosa Asociación.

Fotos do obradoiro de masaxe infantil

Deixámosvos unas fotiños do obradoiro de masaxe infantil do sábado pasado. Graciñas a todas.