Documental "Amamantar. El verdadero significado de la lactancia materna"

 

MAÑÁ VENRES 10 DE XANEIRO coincidindo coa reunión do noso grupo de apoio, presentaremos o documental "Amamantar. El verdadero significado de la lactancia materna", producido e editado por Edulacta.

Este documental conta coa participación de grandes personalidades da lactación materna: José Mª Paricio, Carlos González, Alba Padró, Carmen Vega, Lorena Moncholí, Kika Baeza, etc. e pretende desmantelar mitos e ofrecer información básica sobre a lactación materna que axude a cambiar as cousas.

O noso grupo de apoio á lactación materna únese a esta estrea a nivel mundial, coincidindo con numerosos grupos de apoio en todo o mundo.  Convidámosvos a todos os que queiran asistir a esta preciosa iniciativa de Edulacta.

Vémonos ás 11:00h no CS Praza do Ferrol, Aula de Educación Maternal, 3º andar, Lugo.

Concilia vacacións Guitiriz

O martes día 6 estivemos no campamento de conciliación de Guitiriz "Concilia Vacacións 2019" pasando unha mañá cos nenos, contando contos, debuxando e falando de lactancia materna.

As nosas compañeiras Silvia, Marina e María prepararon a visita coas actividades que podedes ler no seguinte enlace:

www.agoraaberta.es/conciliavacacions/2019/08/08/visita-da-asociacion-bico-de-leite

Encantadas de ter estado con vos.

Cambio da reunión do venres 26 de xullo

Este venres 26 de xullo a reunión de nais en Lugo trasládase á mañá por necesidades das asesoras. Estaremos onde sempre de 11 a 13 horas.

As Obstetrix coa lactancia materna

Este ano estaremos de novo coas Obstetrix no Arde Lucus.

O domingo 16 de xuño a partires das 13 horas Bico de leite, o Colexio Oficial de Enfermaría de Lugo e a Asociación Galega de Matronas organizan un aleitamento público conxunto no posto das Obstetrix na Praza Maior. Agardámosvos a todas!!!

Novas datas para as reunións de Lugo

A partires do día 01 de abril as reunións de Lugo pasarán a ser o segundo venres de mes de 11 a 13 horas e o último venres de mes de 17 a 19 horas no sitio de sempre. Seguiremos atendendo tamén as vosas consultas nos teléfonos de contacto e no noso correo electrónico bicodeleite@yahoo.es

Moitas gracias, agardámosvos.

Charla sobre atragantamentos en Foz

Hoxe tivemos en Foz unha charla sobre atragantamento en bebés e nenos pequenos impartida por Carmen Pernas Ferreiro, médico especialista en medicina familiar e comunitaria, instrutora de sopoerte vital e que desenvolve o seu traballo no centro de Saúde de Mondoñedo, onde ademais é responsable do programa de tabaco. Deixámosvos unhas fotiños da charla.