sábado, 12 de diciembre de 2009

Calendarios de lactancia 2010

Este ano dende FEDEGALMA editouse este fermoso calendario cunha selección de fotos das participantes no I Concurso de Fotografía sobre lactanción materna.

Calendario FEDEGALMA 2010 Portada

Aínda está no forno, pero contamos telo en breve, así que se aínda non tendes calendario de parede para este ano, ou se queredes alegrar a vosa casa con imaxes fermosas de lactancia non tendes máis que nos pedir un exemplar, estarán á venda por 3€.

Agardámos que vos guste, deixámosvos con algunha delas, se queredes velas máis grandes pinchade enriba.

Calendario FEDEGALMA 2010 Maio Calendario FEDEGALMA 2010 Xullo

Calendario FEDEGALMA 2010 Setembro Calendario FEDEGALMA 2010 Decembro

viernes, 11 de diciembre de 2009

Recordatorio

Lembrámosvos que hoxe, malia non ser o día habitual, temos a nosa reunión temática mensual adicada ós papás.
Achegádevos ás 17h polo local para falarmos un pouco. Agardámosvos!

domingo, 6 de diciembre de 2009

Especial mes de decembro

Este mes é especial por moitas razóns, o último venres do mes, o que normalmente adicamos á nosa reunión temática é festivo, así que decidimos que este ano iamos facer tamén unha reunión especial noutra data, o vindeiro Venres 11, ás 17h no noso local de sempre adicamos a nosa reunión ós papás. podedes ler máis aquí, na entrada anterior.

canguritos1
www.mamadelola.com

Pero ademáis, como sabemos que moitos dos vosos e nosos familiares insistirán en facerlle un agasallo ó novo ou futuro membro da familia, pareceunos boa idea facer un OBRADOIRO DE PORTABEBÉS, para amosárvos as distintas opcións de portabebés que existen e que respectan a fisioloxía do bebé para permitir o seu correcto desenvolvemento e do porteador para que non resulten unha tortura para as costas ós 2 meses. Será o sábado día 19 no noso local de sempre e tamén ás 17 da tarde.

Axudádenos a difundir a información deste especial mes de decembro imprimindo este documento (tédelo tamén na coluna da dereita) e colocándoo onde vos pareza que pode ser interesante, ou transmitíndollo a outras familias interesadas.

Cartaz especial mes de decembro

sábado, 5 de diciembre de 2009

O papel do pai

O vindeiro venres día 11 adicaremos a nosa reunión semanal ós pais, que compren un papel se cadra menos estelar na crianza das meniñas e meniños mais non por iso menos importante...

Hai tantas cousas que pode facer o pai!! De feito todo menos dar o peito!
madre-con-padre-ayudando
E non menos importante que as cousas materiais que pode facer polo bebé e a mamá, no traballo da casa por exemplo...
É que pode facer como apoio moral e acompañamento emocional na fermosa, pero ás veces non doada, tarefa da crianza.
Con respecto á lactación materna, é moito o que pode aprender (tanto como ela), para con todo o aprendido ter seguridade e ser forte nos intres de dúbidas e posibles atrancos; e por suposto para estar aí ofrecendo unha aperta agarimosa no momento preciso.


papa mudando

Os pais sempre son benvidos a Bico de Leite, pero especialmente nesta ocasión convidamosvos a todos, para que poidades compartir con nós ás vosas dúbidas e inquedanzas, e tamén contarnos as vosas experiencias...

Agardámosvos.

Bicos de leite