lunes, 22 de junio de 2009

Reunión temática do mes de Xuño con merendola!!

CHARLA SOBRE OS PRIMEIROS DÍAS DOS BEBÉS

Para todas as mulleres embarazadas, pouco a pouco, achégase o gran día: axiña nacerá o bebé. Que ilusión! Que ledicia! Pero tamén... que medo!
Todo son dúbidas…
Como será o parto?
Irá todo ben no hospital?
Serei quen de coidar ben do meu pequeniñ@?
Collerame ben o peito?
Mancarame?
Pedirá moito? Ou pouco?
Apañareime eu soa? Darei feito todo?

uxia3

En Bico de Leite tentaremos dar resposta a estas e outras preguntas que poden xurdir respecto ós primeiros días de vida dos nenos, e tamén das mais.
Haberá algunhas suxestións prácticas, e agardamos que bastante información de interese para aquelas familias que desexan aleitar ós seus fillos e fillas.
Sobre todo darémosvos moito ánimo, porque cun pouquiño de apoio, todas podemos saír do paso e ser capaces de gozar da crianza dende ó primeiro día.

Tamén celebraremos que xa está aquí o verán cunha pequena festa, haberá refrescos e algunha cousiña de picar.
E coma sempre os nenos son moi benvidos, e tamén os pais, avoas, e todo aquel que teña interese nos temas a tratar.

Todo isto terá lugar o vindeiro día 26 de Xuño, no noso local habitual.

Agardámosvos!!!

Bico de Leite

viernes, 19 de junio de 2009

Fallo do concurso fotográfico

Este pasado sábado día13, celebramos o fallo do concurso de fotografía sobre lactación materna de FEDEGALMA (da que en Bico de leite formamos a directiva)-Noia.

Ía ser a entrega de premios, pero... tivemos tanta repercusión -mesmo internacional- e unha participación tan boa (117 persoas participantes e máis de 300 fotografías).

Que finalmente ós gañadores resultaron ser:

Un de Alicante, primeiro premio, para Laura Gómez Ramón:

1ºpremio(58)texto

Un de Navarra, o segundo , para Álvaro Martínez González:

2ºpremio(69)texto

Outra de Valencia, o cuarto premio, para César de Andrés Gil:

4ºpremio

E o mais próximo, de Lugo, o terceiro premio, para Alfredo Bongianni:

3ºpremio(16)texto2peq

De xeito que os galardóns non foron fisicamente entregados nesta ocasión.

Houbo, iso si, unha mostra das fotografías a concurso mais salientables.

exposición fotografías concurso fedegalma 2009

exposición fotografías concurso fedegalma 2009

exposición fotografías concurso fedegalma 2009

exposición fotografías concurso fedegalma 2009

exposición fotografías concurso fedegalma 2009

exposición fotografías concurso fedegalma 2009

exposición fotografías concurso fedegalma 2009

Aínda que elixir entre tanta beleza e expresividade nunca é doado, e quedaron moitas no tinteiro... que agardamos poder utilizar en próximas ocasións, como dicían as bases do concurso para seguir a promover e a difundir a imaxe da lactación materna.

Contamos para celebrar o evento, coa inestimable colaboración do pediatra do Hospital do Barbanza Dr. José Manuel Martín Morales, que é membro do Comité de Lactancia da Asociación Española de Pediatría, e que sempre está disposto a explicar e difundir as bondades da alimentación ó peito, e non só iso senon tamén da importancia dos Grupos de Apoio e do resto da sociedade, os profesionais e a familia para alentar e soster ás nais nesta fermosa pero ás veces dura tarefa da crianza.

Tamén salientou o traballo que queda por facer para lograr normalizar algo tan indubidablemente san e natural, ero que se atopa a cotío con tantos obstáculos.

Quedo cunha das súas primeiras reflexións:

“Pode que ver mamar a un pequeno de 4 ou 5 anos non sexa algo habitual, pero temos que ter claro que NON é nada malo”

E tamén coa perspicaz visión da discriminación da lactación materna respecto ó leite artificial que se fai nos medios de comunicación. Poñendo e seguinte exemplo de actualidade:

Cando se deu a traxedia do leite chinés contaminado que causou a morte e a enfermidade a milleiros de nenos, en ningún lugar se criticou ou cuestionou que o leite de biberón fose algo malo ou perigoso.

Mais cando apareceu UN só caso dun pequeno de raza negra aleitado que sufría raquitismo debido a non suplementación con vitamina D; especialmente necesaria para estes pequenos porque nas latitudes do norte (como era o caso) non reciben luz solar dabondo para sintetizar esta vitamina na súa pel; non se tardou en achar como a culpable ó leite materno que tomaba, e mesmo en especular abertamente sobre que o mellor alimento para os bebé podería traer de volta enfermidades do pasado como raquitismo...

En fin.

Tamén proxectou ó final da charla un pequeno vídeo spot publicitario, sobre a lactación, que merece a pena mirar, e que levaron a cabo os grupos de nais, porque de momento os poderes públicos non viron preciso gastar un peso en facer este traballo de promoción audiovisual, como pola contra se ten feito en moitas ocasións para outros hábitos de vida saudable, coma ao consumo de froitas e verduras ou o exercicio físico. E tamén en defensa da infancia coma a bonita campaña para previr o castigo físico ou os abusos a menores:

Podédelo ver aquí:



Agardamos que vos guste, ogallá poidamos velo nas canles de televisión e non so por internet.

Patricia

Nota: Queremos facer tamén unha chamada de atención sobre a falta de normalidade ante a lactancia, xa que este vídeo foi marcado por algún dos usuarios de youtube como de contido para maiores de 18 anos!!!

martes, 9 de junio de 2009

Contos con tetas I

En Bico de Leite , pensamos que o dar a teta ten que ser algo natural, normal e aprendido dende a infancia.

Algo que non estrañe a ninguén , porque dende pequenos o temos presente no dia a día.

Para iso unha boa ferramenta é que os cativos o vexan así nos seus contos e libros dende sempre.

Aló polo ano 1974 cando moitas das Biqueiras aínda non naceramos, publicouse unha colección preciosa chamada “Os primeiros libros dos nenos” (de edicións Altea), Titulados todos “Eu son..., o sol, o aire, unha arbore, o lume...”.

Dous destes títulos seguramente quedaron para sempre na miña cabeciña e no meu corazón de nena, e contribuíron a que hoxe sexa quen son; “Eu son un neno” e “Eu son unha fera”, en ámbolos dous aparece ilustrada e explicada a lactación materna...

Eu son un neno ( lactancia humana)

Estas de arriba son unhas páxinas de “Eu son un neno”

E aquí abaixo de "Eu son unha fera"

Porque era un mamifero

Tamén hai outro libro, se cadra máis popular e coñecido por moitos, onde aparece unha imaxe entrañable dunha nai dando teta, e por partida dobre!:

Gnoma amamantando

“Los Gnomos” de Edicións Montena 1982 , (aínda que o orixinal holandés é do 76)

Por iso en Bico de Leite estamos sempre atentas ás publicacións que aparecen sobre ó tema, e mesmo ás alentamos dende a nosa Federación de grupos de apoio de Galicia (Fedegalma) , como é o caso dun dos dous libros editados por Galaxia escritos por Teresa Moure e ilustrados por Leandro Lamas:

“Eu tamén son fonte”, do que contamos con moitos exemplares gratuítos para agasallar ás nais, especialmente as que están preñadas, xa que é un libro especialmente pensado para elas, e auspiciado pola Consellería de Sanidade xunto cos Grupos de Apoio á Lactación Materna

Eu tamén son fonte 001

Desta fermosa obra temos tamén unha exposición que está sendo itinerante polos grupos galegos e unha unidade didáctica para presentarlle a lactación materna ós pequenos de educación infantil e ós seus mestres.

O segundo libro é :

Mamá ti sí que me entendes

“Mamá ti si que me entendes”, outra visión dos primeiros días da crianza, vistos cos ollos do neno, e dende a perspectiva dunha nai que se sinte insegura e pouco apoiada a aleitar, mais que finalmente con vontade e convicción, e a inestimable axuda do seu fillo, logra alimentalo co seu leite.

Este é un conto co que moitas mulleres se senten identificadas porque reflicte a realidade social da lactación, e un dos porques de que sexan precisos grupos como o noso

Para a próxima seguirémosvos contando de outros “contos con tetas” editados en España, que merece a pena ter e coñecer.

Bicos de leite e con moito conto para tod@s
Patricia